رسالة الى سوسو والاعضاء

بسم اللة الرحمن الرحيم

رسالة الى العضوة النشيطة فى منتدى فقوعةسوسو والى جميع الاعضاء فى المنتدى .

تحية فلسطينية خالصة لكم مني جميعا .....تحية العطاء وبعد

لقد قمتم بعمل رائع جدا وهو انشاء منتدى لهذة القرية وملتقى ادبي وثقافي لشباب وشابات القرية ولضيوفها الاعزاء,حيث وباعتراف الجميع ان هذا المنتدى قد نجح , والدليل على ذلك كثرة المشاركات والمواضيع المفيدة وعدد الاعضاء ومشاركة المغتربين من ابناء القرية,وكل يوم هناك اعضاء جدد.

فليكن شعارنا وهدفنا هو (نحو منتدى هادف ,ملتزم .متطور وناجح )

فهناك في صفحة الاصدقاء موضوع بعنوان (نقاش بين الشباب والبنات)استوقفنى وقرات الردود علية فيا للعجب من هيك موضوع ومن هيك ردود

1-يا ست سوسو وين الموضوع المطروح للنقاش ؟
2-متعودين على مواضيعك المفيدة والملتزمةوالهادفة,فلماذا هذة الزلة,على كل حال ...لكل جواد كبوة ....خليكى كبيرة فى نظري.
3-انت مشرفة ومن انشط الاعضاء .كان من الاجدر فيكى عندما رايت الردود الغير لائقة ان تحذفى الموضوع وتنهى هذة الطوشة وهذة المسخرة وهذة المهاترات والالقاب التى لا تليق بالاعضاء المحترمين
4-لنحافظ على عاداتنا وتقاليدنا ونراعيها ونحترم مشاعر الاخرين وان لا نشذ عن القواعد العامة للاداب العامة وان نختار الكلمات الحلوة بدلا من الكلمات البذيئة واللى بدو يمزح مع صديقة يمزح بشكل مقبول للجميع.

5-عندى اقتراح وبدى الكل يرد علية,وهو اختيار موضوع للنقاش والنقاش الجاد ,مثلا كل اسبوع ينزل موضوع او اثنين يتناول الجانب السياسى او الاجتماعى او الثقافى او اى موضوع يخص حياتنا او قريتنا ,شو رايكم يا شباب ويا صبايا ؟؟؟؟؟؟؟؟؟؟؟؟؟؟؟؟؟؟
امثلة عن المواضيع
صفقة تبادل الاسرى
احتمال ضرب ايران
احتواء الانقسام الفلسطينى
بناء مدرسة ابتدائية مختلطة
غلاء الاسعار وغيرها من المواضيع التى تهمنا
6-هناك ملاحظة وهى الاملاء ,خلو جملكم مفيدة واملائكم صحيح
7-بالنسبة للردود جميعها (مشكور \ة ) يا اخى ضع تعليقك ,اكتب رايك,انتقدنقد بناء وخليكم جديين بكل شىء


ما حد يزعل منى ,انا بكتب لمصلحة المنتدى وبحبكم جميعا والى الامام


*********************مع تحياتى الكم جميعا**************

*******************ابو باسل****************************


ملاحظة\ اللى بحب اناقشنى عن هذا الموضوع فانا مستعد داخل وخارج المنتدى

والله انك كبير يا ابو باسل على هاد الموضوع والله انك عجبتني وان شاء الله انو بصير الي بدك اياه
مشكوووووووووووووووور
تحياتي الك

والله صدقت يا ابو باسل
الوضع لازمو مواضيع مثل هيك
مش هبل البنات وهبل الشباب
ومش عارف ايش كمان
جد انو الوضع بطل ينطاق
بس بحب احكي كلمة
انو بعض الاعضاء ما بدخلو ع المنتدى بس مشان يعملو مشاكل والبعض مشان يقاتلو بعض
يعني مش هيك المنتدى
--------------------
يعني اذا بدك تدخل تقاتل ادخل بمبدأ خاص بيك
مش تدخل واللي تشوفو تقعد تسب عليه لا مش هيك
مثل ما حكى ابو باسل ادخلو ناقشو بمواضيع بتهمنا
والمواضيع اللي ذكرها ابو باسل واقعية
وشكرا الك يا ابو باسل

من زمان كان لازم تتدخل يا عمو ابو باسل لانو جد الموضوع زاد عن حدو
ويا جيفارا معك حق قضية الاسرى مهمة وان شاء الله انا وانت رح نبدا بفكرة عمو ابو باسل ونناقش بيها ازا ما عندك مانع؟؟؟

مشكووور ابو باسل بس لازم المشرفين يبدو مش الاعضاء

مشكور يا كبير يا أبو باسل ويا أخت جيفارا والله حكيكي بنوزن بذهب والف مرة حكينا لسوسو بس
ما بترد علينا شو نعمل
يللا ع كل خلينا نبدا صفحة جديدة

مشكورررر يا خالي ابو باسل

ويا سيد ابراهيم انت وينتي حكيت معي

بعدين انا بحكيلكم انه لما سفير الليل مسح موضوع رمزي كلكم حكيته انه انا اللي مسحته

على كل حال المنتدى منتداكم وبهمكم اكثر مني بس لازم على الاقل انكم ما تعمله فيه هيك لانه انا ما عملت اي شي غلط .......

والله انه الحق علي
سوسو سامحيني
شباب صبايا انا الي بديت بالمشاكل
ابو باسل سوسو ما الها دخل وانا حلفتها ما تمسح التعليقات بس انا اسف كمان مره سموووووب ابن فتح انا اسف لاني حكتلكم اخرسو
وبتاسف لجميع الموجوديين في المنتدى ازا حكيت كلمي هيك ولا هيك وما كنت قصدها
سوسو كمان مره اسف
وابو باسل سوسو ما الها علاقه في الي بصير او الي صار

سوسو أنا ما بحكي شي من عندي أنا حكيت خلينا نشوف رأي جميع الأعضاء وكانت خطوة جيدة من الأخت فلسطين ولنشوف بقية الأعضاء

لاعمي انتى حكيت لكل جوادكبوه مع احترامي الك عمي
شو يعني بدك نقلب المنتدى قناة الجزيرة ولا مساجلة سياسية
بعدين شو مالكم كلكلم هاجمين ع سوسو
سوسو انتي افضل مشرفة قسم بعد قسم الصور
وانا زي اخوكي وراح ادافع عنك لانهم كلهم هاجمين عليكي
ليش مش عارف

واكيد سوسو انتي ماعملتي اشي غلط
لانهم بهدلوكي لما حذفتي موضوع وكانو بدهمش تحذفي مواضيع
يعني شو تساوي فهموني
يعني ولا اشي عاجبكم
ابراهيم بس ماتوقعت يكون ردك ع الموضوع بهاي الطريقة

عاجبكم هاد الوضع انتو اه . .. اه . .. اه

وبعدين سوسو ما الها دخل بالقصه مش هي الي مسحت المواضيع . . .ليش خاطين الحق عليها انا مش عارف ولا مش لاقيين حد تتفششو فيه . . .

يا عمي شو قصة سوسو
بعدين اذا حذفت موضوع (مع انها بتقول انها ما حذفتوا)وانا بعتقد انها صادقة
شو المشكلة ولا ليش هي مشرفة؟

بس على فكر مو سوسو الي بلشت الغلط اسألو انفسكم الي عم تعلقو انو الي بلش يغلط على تاني .....؟؟؟
بعدين هاي الاخت فلسطين عم تعتذر الكم ول سوسو ما في داعي للكلام الي بجرح ماشي
وزي ما حكا رياااان حبيبي كلكم وقفتو ضد سوسو حرام عليكي خليكم اعضاء ومشرفين على حق مو ظلو تبهدلو فيها وبعدين احترمو انها مو من البلد وعلينا واجب انو نحترم الضيف ولا لاء ابو باسل مش هاي عاداتنا وتقليدنا
وانا وريااااااان وابن فتح بوجه كلمتي للمشرفين ارجو من الامشرفين ان يعيدو النظر في قصة سوسو وان تعود المشرفه على قسم الاصدقاء ونفتح صفحه جديد وعدا عن ما سلف ورح نكون ممتنين الكم اذا رجعت سوسو على قسم الاصدقااااااااااء
تحياتي لجميع ارجو اني يتلبا الطلب ومن دون احراجات

شكرا يا عم ابو باسل

شكرا يا عم ابو باسل

مشكور يا عم ابو باسل وياريت اترجعولنا الاسد
تحياتي للجميع

شكرا لكم جميعا وبدون استثناء على مروركم على رسالتى الموجهةلكم

الى ريان...كنت اتمنى عليك ان تقراء ما كتبت انا قبل ان ترد.الفضية يا سيد ريان مو فزعة عرب ,ولا سجال ولا غيرة ,ببساطة تامة موضوعى جوهره نصائح وملاحظات لكل الاعضاء ونقدل سوسو (لانها ما حذفت موضوع النقاش )اللى صار علية طوشة والردود التى تضمنت الشتائم.بحكم انها مشرفة وصاحبة الموضوع .

الله يعطيك العافية خال ابو باسل على هذا الموضوع الجميل

mh-soso-17 كتب:



بعدين انا بحكيلكم انه لما سفير الليل مسح موضوع رمزي كلكم حكيته انه انا اللي مسحته

على كل حال المنتدى منتداكم وبهمكم اكثر مني بس لازم على الاقل انكم ما تعمله فيه هيك لانه انا ما عملت اي شي غلط .......

بداية : انا اللي حذفت الموضوع [سفير الليل]
مش المشرفة: سوسو
السبب:المنتدى هذا ليس للتعارف
ثانيا: المواضيع التي سوف يكون سببا للمشاكل سو ف يتم حذفها بدون استشارة احد


وأخيرا : الذي مش عاجبو هذا المنتدى يروح دور على منتدى اخر





الادارة

برجع الاسد اذا اجا وحكالي اني انا الاسد
او المهم اني اعرف مين هو الاس

تحيااااااااااتي للجميع

وما حد يزعل مني

شكرا يا ميدووووووو على راسي والله