ابليس يصف الحالة في الاردن !!!

من طرف Nostalgia 16/11/2008, 3:22 am

كان في ‏غرفته ، يلملم ملابسه في حقيبة إلى جانبه وباقي متعلّقاته على المنضدة القريبة . كانت ‏استقالته موقّعة ومختومة حسب الأصول ، وبجوارها تقبع ون - واي تيكت إلى جزيرة ‏مالطة.
‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الإعترافٍ بالعجز والفشل ....
‏إبليس راحلٌ عن بلادنا إلى غير ‏رجعة ... فليفرح المؤمنون ...
- ‏وين يامسهّل ؟ ليش عم بتضبّ ‏اغراضك ؟
- ‏يازلمة ماظلّلي قعدة عندكو ، إلي سنين عاطل عن العمل وقرّبت أموت من ‏الجوع .. مش ملاقي معك سيجارة ياحب ؟ مش قاطع فيكو لا وسواس ولا خنّاس
كنت ‏زمان بوسوس للوحدة تسيب ابنها يعيّط وهي بتحكي مع جاراتها ، هسّ صاروا لحالهم يرموا ‏اولادهم في الحاوية أوّل مايجوا!
‏كنت أوسوس للواحد ينسى يسمّي الله قبل ‏مايوكل ، هسّة بطّل حدا لاقي إشي يوكله يازلمة إذا أنا إبليس وتسمّمت ‏بالشاورما
‏كنت برضو بوسوس للشب يرميله كلمة ع البنت وهي ماشية ‏بالشارع ، صاروا البنات يطقّسوا ع الشباب بكلام أنا نفسي بستحي ‏أحكيه !‏ إنتو بدّكو إبليس ‏إنتو ؟! خلوني أبعد عنكو وارتاح
‏صار عندكم فائض في الفساد بكفّي 30 سنة لقدّام، صرت أخاف على حالي ‏منكم
‏يازلمة مرّات بضطرّ أوسوس بالشقلوب وأقول للمسؤول إرحم، وللحرامي ‏بكفّي خلّي شويّ للحراميّة اللي رح ييجوا ‏بعدك !
‏يعني إذا إنتو لحالكو بتعملوا كل هالبلاوي ، أنا إبليس شو ‏أعمل ؟ أشتغل شوفير تكسي يعني ولاّ أفتح صالون حلاقة ؟
‏ثمّ فتح إبليس الباب وانطلق خارجاً إلى غير ‏رجعة

تحياتي
Nostalgia